عالم المصرقعات والمنسمات

يحكى انه في سنة 1426 هجري كانت سنة تخرج شلة سحالي يتمتعون بقدر كافي من الغباء والفهاوه
كانت هذه الشله تجتمع كل صبا ح لاحتساء القهوه والحلى مع قليل من نبوة السيف والرزيزي
كانوا يضعون جدولا دوريا وكل وحدتن ملتزمتن به تحفظه مثل اسمها والا سوف تلقى عقابا رادعا بحقها كان تحرم من شرب القهوه في يومن من الايام
الجدول كالتالي
الفطور والقهوه على
يوم السبت : جهير
يوم الاحد:نوير
يوم الاثنين: ماعندهم شي ( اوف)
يوم الثلاثا : مي
يوم الاربعاء: لطيفه الملقبه ب (لطيف)

في يوم من الايام وهن جالسات عند احد القاعات يتقهون ويبلعن قالت نوير:: ياسلام اخيرا بنتخرج
وتفرج واعرس اهلها حالفين ماتعرس لين تخلص دراستها والله ياهلها نشبه بعد
مي:: أي والله بنتخرج ونتوظف ان شاءالله
جهير: تكفين هالوظيفه اللي تحتريس عاد
لطيفه : الا وراه مانتقاط باخر مكافاه وندخل سوق الاسهم يمدحونه يقولون فيه ربحن موب صاحي خاصه اذا كان الواحد يعرف له حامور والا شي < <<< من حينها بزنس

جهير : اقول بنات يالله يالله بدت المحاضره سرينا
مي : بنات عندي فوكره ( خطه)الساعه الحين 12 والمحاضره ماتخلص الا الساعه 3 وشرايكم تطلعون معي يودينا السواق للفيصليه نتغدى ونوسع الصدر ثم نتكل على بيوتنا ولا من شاف ولا من دري

جهير : لا والله اخاف يدري اخوي ثمن مافيه الا قص رقاب
نوير:لا حول اقول وش يدري اخوس يالكمخه كلها ساعتين ونرجع ونحطس اول وحده في بيتكم
جهير: < < وجه مفهي : هاه والله مدري اصبروا استخير
لطيف : اقول تراي طفرانه مامعي الا ريالن مشقوق بتباشرون علي رحت معكم
مي البطرانه : ايه بباشر عليكم بس انهجن علي

كل وحدتن لقطت عباتها ولبستها وركبن في سيارة مي نوع كامري بوكس
انطلقت سيارة الفوركاتس

الصد والهجران ماهوب طبعي صوت مسجل السياره

ااااااااااااااااااااا وووووووووووووووو < < سحبت فرامل الاشاره حمرا
صوره للبنات وروسهم تهتز من سحبت الفرامل كانهم يقولون موافقين موافقين

نوير التفتت يمين ولا عاد قدرت تعدل راسها شافت لها واحدن اطخم يقط الطير من السما
نوير: تومي بيديها لصديقاتها وخشتها مازالت يمين تقل جاها شد عضل ولا عاد قدرت تعدله
نوير:بنات شوفوا ياملحه تسنه ماجد الشبل < <الله يحوم تسبدس شوهت الرجال

صورة لنوير وهي مفهيه وطايحن حنسها ولسانها يتدودل تسنها سلقه

لطيف: لا وبعد بي ام ياقلبي قلباه

مي: بنات اثقلن قصم الله عماركن لا تطيرن الرجال بشفاحتكن < < ليه الخوات بيصدين ضب

البنات كل وحده تزبط كشرتها

نوير ماعاد قدرت تستحمل وكشفت عن وجهها اللي كنه غطى ببسي منقطم التفتت عليه وهي تنشد:

كامل الاوصاف فتني والعيون السود خذوني من هواهم رحت اغني اه ياعيني اه ياليل

طن < < الاشاره خضرا

مشت سيارة البنات وراعي البي ام وراهم شوي الا جمس مليان شباب وراهم
( صورة لسيارة البنات تسنها قعس معه كسرة حلاوه وموكب من التماسيح وراهم )

وصلت سيارة الفور كاتس للفيصليه وقفت السياره عند البوابه ونزلن البنات يتمخطرن كانهن الطاوس والشباب كل واحدن منهم ينطل اغنيه اسطوريه

اتمخطر ياقميل في الساحه واتمشى هنا بالراحه طبعك ياقميل

وواحدن ثاني يقول اسمر عبر مثل القمر ……… وهكذا

بينما البنات يتمخطرن ويتمرجحن في مشيتهن فجـــــــــــــــــــــــــــــــاه

تكرفسسسسسست لطوف قدام الناس
( صوره لصديقاتها هجن وخلوها)

التماسيح: بسم الله عليس جعله في الحارس ولا فيس
< <وجه الحارس يقول جعلك الجزام اللي يجزم عمرك

لطوف تقوم بسرعه وتنفض الغبار وتلحق صديقاتها

اخذ الشهاده .. وطار فيها لبيت عمه ( ابو جميله ) .. . فرحان وفي نفس الوقت زعلان ..

فرحان لانه ناجح .. وزعلان لانه بيقابل عمه ….

اول ماوصل للخيمه … جلس يدور عليها … ويدور الجرس …

سمعت العنز جميله … صوت ولد عمها .. طلعت

له .. مستحيه .. وحاطه فوق راسها جلال .. يوم شافها .. صار وجهه .. برتقالي من الخجل . .

وقال لها .. مباااع ..

قالت : تهي تهي الله يرجك توني باقولها ..

نزل ( قرنبع ) من فوق البلكه .. اللي كان حاطها … لانه مايطول الجرس (قزوم )

… وقرب عند (جميله ) وعطاها الشهاده .. ومن الدلاخه والرفاله .. اكلت العنز جميله الشهاده

قال قرنبع ..: يقطع شيطانك ياعنز…

قالت جميله : عن الغلط عاد ترى بازعل بعدين اهون عن الخطبه

وهو يكلمها .. وصل عمه ابو جميله … يوم جا (قرنبع ) يحب راس عمه .. ويرفسه على اذنه …

.. قال عمه .. وش عندك واقف مع بنتي ؟؟…

قال : لاتفهمني غلط ياعمي انا نجحت وجاي اتقدم لبنتك ..

قال عمه : نجحت ؟ وين الشهاده ؟

قال قرنبع : في بطن بنتك ياعمي

قال عمه : يلوموني بخفة دمك ياولد اخوي … يالله انقلع .. واذا جبت الشهاده ازوجك بنتي ..

راح التيس قرنبع وهو يدعي على العنز جميله ..

وفي اليوم الثاني … كان قرنبع جالس على البحر .. ويفكر .. فجأه نزلت دمعته ( رومانسي )

في نفس الوقت .. وصل عمه .. شاف الدموع اربع اربع

قال : سلامات ياولد اخوي عسى ابوك ما اندعس ولا توطته تريلا ؟ < < تفاول عليه

قال : احبها ياعمي احبها … تهي تهي تهي